ଭାରତ ସମେତ ବିଶ୍ୱର ବିଭିନ୍ନ କ୍ଷେତ୍ରରେ ଇଣ୍ଟରନେଟ ଏକ ପ୍ରଭାବଶାଳୀ ଶକ୍ତି ପାଲଟିଛି । ଡିଜିଟାଲ୍ ଇଣ୍ଡିଆ ଅଭିଯାନ ଆରମ୍ଭ ହେବା ପରଠାରୁ ଓଡ଼ିଶାରେ ଇଣ୍ଟରନେଟ୍ ବ୍ୟବହାର, ନିଯୁକ୍ତି ସୁଯୋଗ ଏବଂ ସୂଚନା ପ୍ରଯୁକ୍ତି ଶିଳ୍ପର ସମ୍ପ୍ରସାରଣ ବୃଦ୍ଧି ପାଇଛି। ଭୌଗୋଳିକ ଅଞ୍ଚଳ, ଜଙ୍ଗଲ ଅଞ୍ଚଳରେ ମାଓବାଦୀ ବାହିନୀର ଉପସ୍ଥିତି ଏବଂ ସହରାଞ୍ଚଳ ଓ ଗ୍ରାମାଞ୍ଚଳ ମଧ୍ୟରେ ଡିଜିଟାଲ ବିଭାଜନ ସମେତ ବିଭିନ୍ନ କାରଣରୁ ଇଣ୍ଟରନେଟ୍ ପ୍ରବେଶ ଚିନ୍ତାର କାରଣ ପାଲଟିଛି। ଅଧିକାଂଶ ସେବା ଏବେ ଟେକ୍ନୋଲୋଜି ଦ୍ୱାରା ପରିଚାଳିତ ହୋଇଥିବାରୁ ହିତାଧିକାରୀଙ୍କ ଦ୍ୱାରଦ୍ୱାରରେ ସରକାରୀ ସେବାକୁ ଦ୍ରୁତ, ସହଜ, ଭରସାଯୋଗ୍ୟ ଓ ଶସ୍ତାରେ ଉପଲବ୍ଧ କରାଯାଉଛି। ଉଭୟ ସହରାଞ୍ଚଳ ଓ ଗ୍ରାମାଞ୍ଚଳରେ ଡିଜିଟାଲ ସେବାର ସାର୍ବଜନୀନ ଉପଲବ୍ଧତା ସୁନିଶ୍ଚିତ କରିବା ପାଇଁ ଓଡ଼ିଶା ସରକାର ଡିଜିଟାଲ ଇଣ୍ଡିଆ କାର୍ଯ୍ୟକ୍ରମକୁ କାର୍ଯ୍ୟକାରୀ କରିବାରେ ଦୃଷ୍ଟାନ୍ତମୂଳକ ପ୍ରତିବଦ୍ଧତା ଦେଖାଇଛନ୍ତି - ତୁଷାରକାନ୍ତି ବେହେରା, ଇଲେକ୍ଟ୍ରୋନିକ୍ସ ଓ ଆଇଟି, କ୍ରୀଡ଼ା ଓ ଯୁବସେବା ଓ ଗୃହ ରାଷ୍ଟ୍ରମନ୍ତ୍ରୀ ଉପଲବ୍ଧ ତଥ୍ୟ ଅନୁଯାୟୀ, ଜାତୀୟ ହାରାହାରି ୩୮.୦୨ ଥିବା ବେଳେ ଓଡ଼ିଶାରେ ପ୍ରତି ୧୦୦ ଜଣରେ ମାତ୍ର ୨୮.୨୨ ଜଣ ଇଣ୍ଟରନେଟ୍ ଉପଭୋକ୍ତା ଅଛନ୍ତି। ରାଜ୍ୟରେ ମୋଟ ୧୨.୧୮ ନିୟୁତ ଇଣ୍ଟରନେଟ୍ ଉପଭୋକ୍ତା ଅଛନ୍ତି, ଯେଉଁଥିରେ ଗ୍ରାମାଞ୍ଚଳରେ ୫.୬୭ ନିୟୁତ ରହିଛନ୍ତି। ୨୦୧...